FIREHETAM-PO HO AN’NY MPINO SY NY FILAZANTSARA
Finoana fanta-daza (8). Noho ny fahasoavan’Andriamanitra dia fantatra eran- tany ny finoana nananan’ny Romana. Nidera azy ireo Paoly noho izany. Ho antsika koa, inona no fijoroana vavolombelona ananantsika momba ny finoana. Aoka isika ho fianarana amin’ny fanoloran- tenantsika !
Faniriana handeha ho any Roma. Ambaran’i Paoly ao anatin’ny vavaka ataony ny faniriany lalina hihaona amin’ireo kristiana any Roma (9- 10). Inona ny antony ?
- Mba hizara amin’izy ireo fanomezam-panahy (11)
- Mba hifampahery amin’ny finoana
- Mba hioty vokatra avy amin’izy ireo koa (13)
- Mba hizara ny vaovao mahafaly amin’izy ireo (14-15).
Ny Filazantsara, herin’Andriamanitra (16- 17). Andriamanitra, Ilay Tsitoha, dia nametraka tao amin’ny Filazantsaran’ny fahafatesana sy fitsanganan’i Jesoa tamin’ny maty, hery lehibe sy mahomby, izay afaka hitondra ny olona tsy ankanavaka ho amin’ny famonjena. Izany no antony tsy tokony hahamenatra antsika hanambara izany!
Fanontaniana : Ho ahy manokana, inona no atao hoe Filazantsara ? Inona no fiantraikan’izany eo amin’ny fiainako ?