MAMONO NY TSY FAHITSINA
Ozona fa tsy fitahiana. Ozona no hihatra amin’ny mpisorona satria ny fony tsy manaja ny Tompo amin’ny fahitsina (2). Tsy miafina amin’ny Tompo arak’izany ny tena hery manosika antsika amin’ny fanompoana. Hanome voninahitra Azy marina ve ny tanjontsika?
Mpisorona tsy nitoetra tamin’ny antso (1- 9). Modely ratsy no nasehon’ny mpisorona; tsy nampianatra ny Tenin’Andriamanitra izy ireo sady nivily tamin’izany ka nitaona ny rehetra ihany koa. Nizaha tavan’olona teo amin’ny fanaovana ny asany. Adinony ve sa tsy nataony ho zava-dehibe fa “irak’i Jehovah” izy ireo? Inona no hiandry azy ireo rehefa nandrava ny fanekena natao tamin’ny taranak’i Levy? (9) Antsoina arak’izany ny mpitarika kristiana hahay hihaino ny Tompo, hanatontosana tsara ny asa amin’ny fo feno fankasitrahana, fankatovana ary fiderana Azy.
Tsy ankasitrahan’ny Tompo ny fisaoram-bady (10-17). Tamin’ny andron’i Malakia dia betsaka ny Isiraelita nisaotra ny vadiny iray firenena taminy ka nampakatra vehivavy hafa firenena izay mpanompo andriamaninkafa (Ireo no nitarika azy ireo hijangajanga amin’Andriamanitra Tompon’izao rehetra izao. Tena loza! Tena loza io tsy fankatoavana ny fanekem-pihavanana voalohany io satria maneho tsy firaharahiana ny Tompo izay vavolombelon’ny fanorenana tokatrano (Eksodosy 20.14). Masina arak’izany ny fanambadiana naorina teo anatrehan’ny Tompo. Inona avy ireo voambara famaizana hataon’ny Tompon’izao rehetra izao? Tsy hamaly vavaka ny
Tompo, halany ny fanatitra ateriny (13; Isaia 59.1- 2), hesorina tsy ho isan’ny olony ireo, tsy handray na inona na inona avy amin’ny Tompo ireo. Jesoa Kristy Zanak’Andriamanitra ihany koa dia tsy nankasitraka io fomba ratsy io.
Fahamarinana : Fankatoavana an’Andrimanitra ny fitiavana sy fanekena ny vady. (Genesisy