AMPY AHY VE IZY ?
Te ho toy ny hafa ve ? (1-9). Mety ho maro no antony nahatonga ny Zanak’Isiraely mba te hanana mpanjaka. Mety ho anisan’izany ny toetran’ny zanak’i Samoela izay tsy nanaraka ny fanaon’ny rainy (3, 5) ka nampiraviravy tànana azy ireo. Nefa azo heverina ihany koa fa noho ny fitsiriritana ny firenena manodidina izay nanana mpanjaka no naniriany hanana izany koa. Hany ka nohararaotiny natao ho antony ireo toetra ratsy nataon’ny zanak’i Samoela mba hahatongavany amin’ny tanjony ho toy ny firenena hafa manana mpanjaka. Toa tsikaritr’i Samoela izany hevi-dratsy izany satria fantany fa tsy sitrak’i Jehovah izany. Izay no nahatonga azy niala nenina nanontany ny Tompo. Ny olana anefa dia ny fitadiavana mpanjaka hafa dia midika fandavana an’i Jehovah (7).
Dia hikiry biby ihany ve ? (10-22). Mbola niala nenina ny Tompo teto ka naniraka an’i Samoela hampahafantatra ny Zanak’Isiraely izany atao hoe mpanjaka sy ny vokatr’izany eo amin’ny fiaraha- monina. Na dia teo aza izany, sy ny vokatry ny tsy fiheverana afa-tsy izay masaka ao an-doha ihany ka tsy mandinika tsara, ary vokatry ny fitsiriritana ny hafa, dia nisesika ihany izy ireo ny
hitady mpanjaka. Lesona iray azo tsoahina eto ny vokatry ny fampitahana ny tena amin’ny hafa, sy ny fitsiriritana ny hafa izay mahatonga fivilian-dàlana.
Ho tsakotsakoina : “… Ampy ho anao ny fahasoavako…” (2Korontiana 12.9a)