Notanterahina tao amin’ny Akanin’aina ambony ny 17 martsa 2018 teo ny fifampiarahaban’ny SLK Ankadifotsy. Nombam-bady aman-janaka ireo mpikambana tonga nanatrika izany.

Fotoana nisaorana an’Andriamanitra noho ny nahatratrarana soamantsara ny taona vaovao 2018  no sady koa  nanatanterahana ny fiarahabana sy fanolorana solombodiakoho ny filoha, filoham-boninahitra ary koa ho an’ireo zokiolona 70 taona no mihoatra

Notohizana tamin’ny  fiarahana  misakafo sy fialana hetaheta ary narahana fizarana mofomamy izany

Ampahatsiahivina fa ny fivorian’ny sampana dia isaky ny zoma hariva amin’ny 5 ora sy sasany  ao ampiangonana ambony rihana, ary koa ny  alahady fahatelo  eo anelan’elan’ny fanompoam-pivavahana voalohany sy faharoa toerana Akanin’aina ambany.